سید محمد جعفری   کی نظم ایبسٹریکٹ آرٹ  کا خلاصہ بورڈ آف انٹرمیڈیٹ اینڈ سیکنڈری ایجوکیشن پنجاب کے تمام بورڈز کے سالانہ امتحانات میں وقتاً فوقتاً  آتا رہتا  ہے ۔

سید محمد جعفری  کی نظم    ایبسٹریکٹ آرٹ   کا خلاصہ بہت اہم ہے ۔نظم ” ایبسٹریکٹ آرٹ ”  گیارھویں  جماعت  سرمایہ اردو ( اردو لازمی ) کی دسویں  نظم   ہے ۔

شاعر: سید محمد جعفری

ایبسٹریکٹ آرٹ

خلاصہ

شاعر موصوف کو ایک نمائش پر جانے کا اتفاق ہوا ۔  رسمِ دنیا نبھاتے ہوئے انھوں نے وہاں فن پاروں کی تعریف بھی کر ڈالی ۔ وہ آج تک دونوں گناہوں کی سزا بھگت رہے ہیں کیونکہ جب کوئی اس نمائش کے بارے میں سوال کرتا ہے تو وہ کچھ بھی بتانے سے قاصر ہے ۔  وہاں کمالِ فن کا نمونہ وہ تصویر تھی کہ جس میں شاید بھینس کے جسم پر اونٹ کی سی گردن کا گمان ہوتا تھا ۔ اس کی ٹانگیں مسواک سی پتلی اور ناک ، خطرناک تھی  ۔  ایک اور شہ پارہ محض رنگوں کا  ایک بے ہنگم مجموعہ تھی ۔ جس پر موجود آڑی ترچھی لکیریں کسی شکستہ آئینے سے منعکس ہونے والی کرنیں معلوم ہوتی تھیں ۔ فنِ تجرید کے ایسے عجیب الخلقت نظارے دیکھ کر وہاں آئے  بچے اپنی ماؤں سے لپٹے جاتے تھے ۔  انصاف کا تقاضہ یہی تھا کہ اپنی اس تقصیر کو معاف کیا جائے یہ نمائش حقیقت میں کسی دیوانے کا خواب تھی۔