علامہ محمد اقبال ؒ  کی نظم خطاب بہ جوانان اسلام  کا خلاصہ بورڈ آف انٹرمیڈیٹ اینڈ سیکنڈری ایجوکیشن پنجاب کے تمام بورڈز کے سالانہ امتحانات میں وقتاً فوقتاً  آتا رہتا  ہے ۔

علامہ محمد اقبال ؒ   کی نظم  خطاب بہ جوانان اسلام    کا خلاصہ بہت اہم ہے ۔نظم “خطاب بہ جوانان اسلام”  گیارھویں  جماعت  سرمایہ اردو ( اردو لازمی ) کی آٹھویں  نظم   ہے ۔

شاعر: علامہ محمد اقبال ؒ۔

خطاب بہ جوانان اسلام

خلاصہ

فرزندانِ اسلام اپنی عظمت رفتہ سے آشنا نہیں ہیں ۔ قرونِ اولیٰ کے مسلمانوں نے سلطنتِ فارس کا تکبر خاک میں ملا دیا تھا  ۔  صحرائے عرب میں پھیلنے والی اسلامی تہذیب نے دنیا کو تمدنی شعور بخشا اور حکمتِ حکمرانی سے روشناس کرایا ۔ ایک عظیم سلطنت کے مالک ہو کر بھی اس دور کے  مسلمان دنیا پرست نہیں تھے ۔ کیونکہ دولت ایمانی کے ہوتے ہوئے کسی اور دولت کی ضرورت نہیں رہتی ۔ اُن کا طریق فقیری تھا اور ان کی خودداری کے آگے دولت مند بھی پانی بھرتے تھے آج کے مسلمان ان کی عظمتِ  کردار کا تصور نہیں کر سکتے ۔ آج کا مسلم نوجوان  گفتار کا غازی اور عمل سے عاری  ہے ۔ جبکہ اس کے اسلاف علم اور عمل کے پیکر تھے  ۔  علم وعمل کی اس میراث کے لُٹ جانے سے ہی مسلمان آج خستہ حال ہیں ۔  اقتدارِ دنیا عارضی شے ہے اور ہر عروج کو زوال  لازم ہے  ۔ لیکن علمی میراث کی حفاظت لازمی تھی ۔ اسی علم کے نور سے آج یورپ کا ظلمت کدہ ایسے ہی روشن ہے جیسے یوسف ؑ کے نور سے زلیخا کا آنگن روشن تھا۔